ايه اخبار الحب معاكم

ازيكم جميعا واخبار الحب معاكم ايه

انا حبيت انهرده اتكلم واتناقش في موضوع عن الحب وفكرت اكلم عن الحب بكل ما فيه من معاني وكلمات وشعور ومميزاته وعيوبه والحلو فيه والوحش بمعنى اصح فتح موضوع كامل عن الحب

اول شئ هبتدي أذكره عن الحب هو العاطفه اللي سابقه الحب او زي مابيقولوا كده انك تكون حاسس انك بتحب او عايز تحب بس معندكش حبيب واكيد الكل حس بالموضوع ده ان هو بيحب بس مش عارف بيحب ايه ولا مين بس حاسس بحب او عايز يحب وبعدها تلاقي نفسك بتدور عن الانسان اللي تحبه وبتحب اكتر من مره بس طبعا بيكون حب عادي وتكتشف ان مش ده الانسان اللي انت حبيته ولا نفس المواصفات ولا اي حاجه وكتير الواحد يعد يتخيل الانسان اللي بيحبه هيكون ازاي وبيتخيله زي القمر واخطط مثلا اللي احبها دي هتكون اجمل واحده ومفيش زيها 2 في الدنيا كلها والكل بيتخيل كده سواء بنت او ولد بس رغم كل التخطيط وامواصفات بتلاقي قلبك غير كل حاجه وخلاك تحب من غير ماتبص دي حلوه ولا لا المهم في حاجات كتير شدتك في الانسان اللي دامك غير شكله وكل المواصفات اللي انت مرتبها في دماغك وبتقع في الحب وانا عمري ما كنت اتخيل اني احب واحد شكله مش امور مثلا او بنت زي القمر بس القلب والروح اللي بتعشق مش العين اللي بنبص بيها ممكن تكون العين عامل مساعد علشان نشوف اللي بنحبه لكن الحب مش بيجي من العين جايز العين دي بتكون بدايه الاعجاب او الحب بس الحب والعاطفه بيجوا من الاحساس والتوافق والتفاهم والروح وانا بالنسبالي اقوى حب انك تحب الروح الانسان اللي بتحبه الحب ده في نظري بيكون اقوى انواع الحب وهو حب الروح اذا كنت حابب بروحك مش هتقدر تنسى اللي حبيته بسهوله وبيتهيقلي مش هتقدر تنساه اصلا وفي شئ بيقول(الروح تعشق قبل العين) وفي ناس كتير انا اعرفهم ارتبطوا ارتباط رسمي من خلال تليفون جه بالغلط بمجرد سماع الصوت الروح عشقت والاتصال اتكرر بينهم لحد ماشافوا بعض وارتبطوا وجايز الموضوع ده ينجح مع ناس وناس لان مش كل الناس زي بعض اصعب شئ في الحب بقا حاجات كتير اوي منها انك تحب وتنخدع في حبك تكون وفي ويتغدر بيك تحب بروحك وبكاينك كله واللي ادامك مش حاسس بيك تكون بتحب بجد واللي ادامك مش متمسك بيك حاجات كتير اوي واللي بيترتب على كل الصعوبات دي هو موت وتدمير احساس جوه الانسان والاحساس بالضعف بيقتل الشعور وبيقتل الشئ الجميل اللي بيكون جوه الانسان المحب احاسه بالعجز او انه اصبح في الشيخوخه واتحول من انسان عاطفي لانسان محبط كان حد سلبه اساسه وشعوره بتكون صعبه اوي انك تكون حاسس كده من الانسان اللي اديته قلبك وروحك وكيانك بتحس انك بتموت في كل مره بتفتكر فيها اللي حصل بنكم وبفكر ليه ده حصل بس في الاخر دايما بتكون النتيجه مش عارف ليه حصل وبيكون ملوش سبب واحيانا بيكون الحل تافه اوي لكن دايما طرف من الطرفين بيصعبوا الموضوع ودايما بيكون ضحيه الحب واحد من الطرفين بدون سبب وبدون داعي ولا اسباب تافهه ممكن تتحل بس للاسف كل واحد بيرمي مشكلت حبه على الظروف وكل واحد بيقول للتاني الظروف وفي النهايه بيكون الفراق هو النهايه ومحدش بيشوف التاني ضحى علشانه ازاي او يقدر حبه قد ايه دايما والمفروض اي حد بيحب ميقلش الظروف والمفروض يكون الحب ده كافي يديله القوه اللي تخليه متمسك باللي بيحبه مش من ابسط مشكله يقله الظروف ويكتون النهايه هو جرح شعور الشخص اللي حبه وعلقه بيه واحيانا كتير تحب انسان من قلبك كان بيتمناك وفي الاخر وبعد فتره تلاقيه انسان تاني خالص معاك في كلامه ومعاملته وتحس انه سعات هو الوحيد اللي مش بيقدرك وكل الناس بتقدرك وتحترمك الا هو بجد بيكون احساس فظيع انك تجرح من حد تحبه وكمان تتعامل منه وحش وانت بتتمناله الخير وبتحاول بقدر الامكان تحافظ عليه وعلى مشاعره وخايفت تجرحه وهو بيجرحك وبكل سهوله ومن غير ما يفكر الانسان ده عمل علشانه ايه واحيانا تلاقيه يحترم كل الناس الا انت بيكون شعور قاتل اوي وبيخليك تكون قاسي مع نفسك ومع اي انسان تاني وبتتحول لانسان انت متحبش تكون عليه وكله بسبب انسان لعب بمشاعرك وخسرت علشانه كل حاجه وهو عايش حياته بس الاسم انه انسان كان بيحبك وجرحك وقلتك وفي الاخر نسيك وانت اللي فاكر .. اتمنى من قلبي محدش يحس الاحساس ده وكل 2 حبوا بعض يقفوا مع بعض للنهايه لان ده مستقبلهم هم ومحدش له الحق يدخل فيه واي حد فيهم يتخلى عن التاني يبقا ميستحقش الحب ولا اي حاجه لانه خان الحب وجرح اللي حبه علشان مصلحته يبقا الانسان ده مش بيعرف يحب اصلا ولا هيعرف لانه جرد نفسه من الاحساس والمشاعر علشان خاطر نفسه ومش مهم اللي حبه وكانه بيغير حاجه قديمه عنده بحاجه جديده بس كل اللي نقدر نقوله مجموعه اسأله للانسان اللي باع وغدر ونسي
س1 - هل هتكون مرتاح بعد موت احساس بداخل انسان حبك؟
س2 - هل هتقدر تنسى انسان كان بيحبك حب العباده وتنساه؟
س3 - هل هتكون سعيد وانت مع انسان تاني ودمرت انسان حبك؟
س4 - هل هتلاقي واحد حبك بأخلاص زي اللي نسيته وضحكت عليه؟
س5 - هل سعادتك هو انك تحب الكل وتعادي اللي اخلص بصدق؟

أرجوا اني اكون شرحت الحب بالتفصيل بكل مافيه من كلامات وشعور ومكنش قصرت في كلامي ويارب مكنش طولت عليكم في كلامي وأرجوا كمان كلامي ميكنش فتح الجرح لناس كتير انجرحوا

أهداء لكل انسان باع وجرح
(=-حبيتك بكل الحواس)=-
(حبيتك انا اه ضميتك انا اه شفتك ولقيتك ومن جرحك شفيتك وخدت قلبك في قلبي وهويتك ومن الحزن شلتك وحبيتك وبحبي طلعتك من اصعب جروحك وفي الاخر تغدر وتنسى وتبعد وتقسى اقول حبتني تنكر وفي كلامك تقوى وفي غدرك وقسوتك اقوى قتلت الاحساس وقلبك على قلبي داس ولا همك اي احساس حبيتك بكل الحواس وشلتك على الراس وانت تحترم الكل وتعملني مسخه الناس)

أرجوا ان كلامي ميكنش غلط ولكم حق الرائي وفتح باب النقاش في الموضوع
ولعـــــــــ حـــــــب ـــــــــــه