منتديات سما الترفيهيه
هل تريد التفاعل مع هذه المساهمة؟ كل ما عليك هو إنشاء حساب جديد ببضع خطوات أو تسجيل الدخول للمتابعة.

منتديات سما الترفيهيه

شبكه ومنتديات سما&سمسم الترفيهيه
 
الرئيسيةالبوابةأحدث الصورالتسجيلدخول

 

 أطفال اليوم وأب روش

اذهب الى الأسفل 
كاتب الموضوعرسالة
Blak hors
عضو ذهبى
عضو ذهبى
Blak hors


ذكر
عدد الرسائل : 380
العمر : 29
العمل/الترفيه : مهرب اي حاجه
المزاج : رايق
تاريخ التسجيل : 19/04/2008

أطفال اليوم وأب روش Empty
مُساهمةموضوع: أطفال اليوم وأب روش   أطفال اليوم وأب روش Icon_minitimeالثلاثاء مايو 13, 2008 7:09 am

جامعة نيو يورك عملت مؤتمر عالمي كبير عشان يناقش فكرة فن مخاطبة الاطفال

وهذا الموضوع يحتاج بالفعل لمؤتمر وجلسات عمل لأن العيال الأيام دي محتاجة طريقة حوار وتعامل غير اللي اتربينا عليها زمان

العيال الأيام دى وصلوا والعالم مفتوح على بعضه مش زينا اللى اتربينا على القناة الأولى والتانية بالتيلة (بالتيلة يعني بالكاد)


خلاص مينفعش تقول للعيل دلوقتي العصفورة قالت لي وفتنت لي عليك
عصفورة إيه وهو بيفهم في الموبايل بتاعك أحسن منك


ومينفعش تخوف العيل بأبو رجل مسلوخة

لأنه هايدخل على جوجل و يعمل سيرش عن معنى أبو رجل مسلوخة وهيلاقي الموقع بيقول له: هجايص وأساطير عملوها الكبار ف القرن اللي فات عشان يخوفوا بيها العيال.


مينفعش تعاقبه بأنك تأومه من أودام فيلم بيحبه وبيتفرج عليه..

لأنه هايشوفه تاني يوم على نفس المحطة الصبح وإنت ف الشغل ويخليك زي ...............


عايز تعاقبه

نزل له فيروس على الجهاز بتاعه ودمر له الوندوز وقول له الجهاز مش ها يتفرمط ويتعمل له ست أب من أول وجديد

ألا لما يتعدل ويشوف مذاكرته و يبقى محترم وبنى آدم.


لما تعوز تدلعه وتكافؤه على تفوقه

مينفعش تجيب له بندقية صيد وكوره وكتب م المكتبة الخضراء والجو القديم ده كله تجيب له( دي اس ال) ممكن تظبطه بويب كام جامده تدخل علية ( بسكرين)

مينفعش لو أبنك سألك عن حاجه منتش عارفها تألفله أى أجابة من دماغك


بعد يوم ولا اتنين هايعرف الإجابه الصحيحة م التليفزيون ولا النت وساعتها هيبقى منظرك عامل زي العدة الأريكسون 688

لما يسألك أقعد معاه ع النت ودور معاه ع الأجابة المظبوطة و بلاش قلة قيمة .


وأوعى تفهم الواد إن الرياضة هى أهلي وزمالك ( مع ان الاهلى يشرف الايام دى )

لأنه دلوقتى عارف لعيبه ريال مدريد والأرسنال وعارف أسعارهم كمان .


وأذا طلب رأيك في أكلة هوم دليفرى من اللى بياكلوها الأيام دي

أوعى تقول له: يعنى أيه دى لأ خليك أب روش هز دماغك بألاطه وقول له.. حلوة طحن ياااد .
الرجوع الى أعلى الصفحة اذهب الى الأسفل
 
أطفال اليوم وأب روش
الرجوع الى أعلى الصفحة 
صفحة 1 من اصل 1
 مواضيع مماثلة
-

صلاحيات هذا المنتدى:لاتستطيع الرد على المواضيع في هذا المنتدى
منتديات سما الترفيهيه :: «(·´¯`·.·÷بنات X شباب÷·.·´¯`·)» :: كلام شباب-
انتقل الى: